من دیندار ئەحمەدم، وەک بەڕێوەبەری مارکێتینگ، شانازی دەکەم کە ماوەی ٦ ساڵە بەشێکم لە تیمی داهێنەری میترا پڕۆدەکشن. ڕێگاکەی من لە جیهانی بزنسدا لە فرۆشتنەوە دەستی پێکرد، کە بۆ ماوەی ٣ ساڵ ئەزموونێکی گرانبەهام لە تێگەیشتن لە خواست و پێداویستییەکانی کڕیار پێبەخشی.

ئەم بنچینە پتەوە لە فرۆشتندا، بووەتە کلیل بۆ سەرکەوتنم لە بواری مارکێتینگدا. لە میترا، من تەنها ڕیکلام دروست ناکەم، بەڵکو چیرۆکی سەرکەوتنی براندەکان دەنووسمەوە. بڕوام وایە کە باشترین ستراتیژی مارکێتینگ ئەو ستراتیژییەیە کە ڕاستەوخۆ پەیوەندی بە زیادکردنی فرۆش و گەشەسەندنی بزنسەکەوە هەیە ، ئامانجی من هەمیشە داڕشتنی کەمپینێکە کە نەک تەنها سەرنجڕاکێش بێت، بەڵکو ئەنجامی بەرچاوی هەبێت .